ఈ మ‌ద పిచ్చిగాడు పాలుగారే ప‌సి మొగ్గ‌ల్ని కూడా….

కామ‌పిశాచి డేరాబాబా రాస‌లీల‌కు సంబంధించిన అనేక విస్తుగొలిపే నిజాలు రోజూ వెలుగులోకి వ‌స్తూనే ఉన్నాయి. ఈ కామాంధుడు త‌న పాఠ‌శాల‌లో చ‌దువుకునే చిన్నారుల‌ను కూడా వ‌దిలిపెట్టేవాడుకాద‌ని తెలుస్తోంది. చాలా మంది బాలిక‌ల‌పై బాబా ఆకృత్యాల‌కు పాల్ప‌డిన‌ట్టు డేరాలో ప‌నిచేసిన గురుదాస్ సింగ్ స్వ‌యంగా వెల్ల‌డించారు. బాబాకు ఎప్పుడు కావాలంటే అప్పుడు సాధ్వీలు త‌న గుఫాకు వ‌చ్చే విధంగా స్వ‌రంగ మార్గాన్ని ఏర్పాటు చేసిన విష‌యం తెలిసిందే. అలాగే అభంశుభం తెలియ‌ని చిన్నారుల‌ను కూడా త‌న కోర్కెలు తీర్చుకునేందుకు ఉప‌యోగించుకునే వాడ‌ని గురుదాస్ వెల్ల‌డించారు.

ఎవ‌రైనా బాబా లైంగిక‌దాడికి అంగీక‌రించ‌కుంటే వారిని తుపాకీతో బెధిరించి వారిని లొంగ‌తీసుకునే వాడ‌ని….ఎదురు తిరుగిన వారిని మ‌ట్టుబెట్టేసే వాడ‌ని తెలిసింది. ఈ కామాంధుడు తాను వాడుకున్న వారిలో చాలా మందికి పెళ్ళిళ్లు కూడా అయ్యాయ‌ని తెలుస్తోంది. అయినా వారితో బాబా ఎప్పుడూ ట‌చ్‌లోనే ఉండేవాడని ఎప్పుడు పిలిస్తే అప్పుడు అత‌ని ద‌గ్గ‌రికి వ‌చ్చేలా వారిని త‌న గుప్పిట్టో ఉంచుకునేవాడు. ఇటీవ‌లికాలంలో ఓ మ‌హిళ ఇదే విష‌యాన్ని స్వ‌యంగా వెల్ల‌డించింది. ఆమె పెళ్లి చేసుకుని విదేశాల్లో స్థిర‌ప‌డింది.

తాను ఐదో త‌ర‌గ‌తి బాబా స్కూల్‌లో చ‌దువుతున్న‌ప్ప‌టి నుంచే బాబా త‌న‌తో చెప్పేందుకు వీలుకాని విధంగా ప్ర‌వ‌ర్తించాడ‌ని చెప్పింది. ఇదే విష‌యాన్నిబాబాకు మూఢ‌భ‌క్తులైన త‌న తల్లిదండ్రుల‌తో చెప్పినా న‌మ్మ‌లేద‌ని ఇదంతా నిజ‌మేన‌ని కోర్టు శిక్ష‌ప‌డిన అనంత‌రం చెప్పినా ప‌ట్టించుకోక‌పోగా త‌న‌నే ఇంట్లో నుంచి గెంటాసార‌ని చెప్పింది. ఇదే కాద‌ట డేరాస‌చ్చాలో ఉండే ఆసుప‌త్రిలో ఎప్పుడూ బాలిక‌ల‌కు అబార్ష‌న్‌లు జ‌రిగేవ‌ని ప్ర‌త్య‌క్ష‌సాక్షి చెప్పారు. డేరాలోని చిన్నారుల‌పై జ‌రిగిన ఆకృత్యాల‌పై కోర్టులో కేసుకూడా వేయ‌నున్న‌ట్టు చెప్పారు. తానే స్వ‌యంగా అనేక మంది చిన్నారుల‌కు గ‌ర్భ‌స్రావాలు జ‌రుగుతుండ‌గా చూసిన‌ట్లు పేర్కొనడం గ‌మ‌నార్హం.

Leave a Reply

Your email address will not be published. Required fields are marked *